Du:néi Ngomyang Mé:yanamko, Ma:nying panggíng

 Du:néi Ngomyang Mé:yanamko

  Ma:nying panggíng 

No lukíka aropé

Ngomyang mé:yanamko

Du:néi angupé,

Mitpansulama:pé asin otí otínamko

Ammem lubisula:ma:pé mé:pa mé:panamko

Du:néi ngomyang mé:yanamko.

Runggogé a:yemílo mé:donéi 

Bí:íng lugédu:pé émna

Ma:nyilo ma:begyemílo mé:donéi

Bí:sin ka:lídu:pé émna

Lé:si lé:sila, duksi duksila

Aipé mé:namko

Du:néi ngomyang mé:yanamko.

Ngok ayang siyadé lu:yudma:néi?

Nok asin ara:lok ayang bograngém

Ngok agomsém no mé:tinsuma:néi?

Turgo bélamlo turjonpé émnamém

Mé:po mé:dírro, atér dudodo

Asin oya:namko

Du:néi ngomyang mé:yanamko.

Ngoong émna nokké 

Mé:namdo mé:moko a:du:néi?

Nommong émna ngokké

Mé:namsé mé:muré sudu:déi?

Kérang kéra:pé gíamoge:la

Luyum luyumla mé:nomsumoge:la

Asin oya:namko

Du:néi ngomyang mé:yanamko.